Ngā Mahinga

He whakanōhanga āpiti a Te Pou Kai Moana o Te Ohu Pānga o Ngāi Tahu, te kamupene mahi haumi o Te Rūnanga o Ngāi Tahu, te rōpū whakahaere i ngā mahi whānui mō Ngāi Tahu Whānui, ko Ngāi Tahu hoki te iwi taketake i te tonga rāia o Aotearoa nei. Ko Te Pou Whenua me te Pou Tāpoi ērā atu pou o Te Ohu Pānga o Ngāi Tahu.

Whai muri i tētahi tūtohu a te Rōpū Whakamana i te Tiriti o Waitangi i te tau 1992, i whakatūngia tētahi whakataunga hao ika-moana. Nō reira, i whakatūria Te Pou Kai Moana o Ngāi Tahu hai whakahaere i te pūnaha hopunga ika. I tēnei rā tonu, he kaiwhakarato a Te Pou Kai Moana o Ngāi Tahu mō te kounga o ngā hua a Tangaroa, ka tukuna ki ngā mākete i Aotearoa nei ki tāwāhi hoki, i raro tonu i te waitohu TAHU. Ko ngā tū kaimoana, ko te kōura, ko te pāua, ko te rāwaru, ko te tio me te kūtai Greenshell™ He nui hoki te roherohenga mō ētahi atu hua a Tangaroa o Te Pou Kai Moana o Ngāi Tahu.

Kai te taha o te taunga waka rererangi o Ōtautahi, te tāone nui tuatoru o Aotearoa, Te Pou Kai Moana o Ngāi Tahu. Kai taua tari matua ka whakahaeretia te mahi hī ika, te whakaritenga me te tukunga atu. Tāpiri atu hoki i ngā wāhanga i Awarua, i Kaikōura, i Waikawa hoki. Ko ngā tū taupuni, he pouaka whakatonga i te wāpu ki ngā tū wheketere nunui. Ko ngā taraka kaikaha o Te Pou Kai Moana Ngāi Tahu ngā waka kawe.

Ka haoa te nuinga o ngā kaimoana e ngā kaihao ika nō Ngāi Tahu - nō mai mai kua hī ika ēnei whānau. He hononga tauhokohoko hoki ki ētahi atu kaihao ika me ngā kaiwhakarite ika.

E kaingākautia ana a Te Pou Kai Moana o Ngāi Tahu ki te manako nui o Ngāi Tahu.
Mō tātou, ā, mō kā uri ā muri ake nei.